澳門旅遊塔座落於南灣新填海區，是澳門的著名地標。塔高達338米，集合了旅遊、觀光、表演、會議、展覽、購物、餐飲、娛樂及通訊於一身，功能非常多元化。
想知門票點買最平、有咩必玩活動、上塔前後行程點安排？呢篇2026澳門旅遊塔完全攻略， Macau Cat 小編將為你整合門票優惠、網上預訂教學、笨豬跳等4大極限挑戰詳情、360旋轉餐廳訂位貼士，以及最慳錢嘅交通方法，一篇睇晒！
睇到最後，編輯會為你分享比較少人知嘅獨家訂酒店/旅遊活動秘技，通常可以為你節省 $50-$200 左右！
目錄
- 1. 澳門旅遊塔 – 觀景台
- 2. 澳門旅遊塔 – 百步登天
- 3. 澳門旅遊塔 – 空中漫步
- 4. 澳門旅遊塔 – 高飛跳
- 5. 澳門旅遊塔 – 笨豬跳
- 6. 澳門旅遊塔 – 360°旋轉餐廳
- 7. 澳門旅遊塔 – 180酒廊
- 8. 澳門旅遊塔 – Café on 4
- 香港往來澳門交通
澳門旅遊塔簡介
澳門旅遊塔離地面223米的觀光層共設四層，其中兩層為主要的觀光樓層，更配備了強化玻璃地板，讓您可挑戰膽量，俯瞰澳門的迷人景色。
澳門旅遊塔又稱「澳門觀光塔」，總高度達338米，係全球獨立觀光塔排名第十位，甚至比巴黎艾菲爾鐵塔更高。自2001年開幕以來，已成為澳門最觸目嘅地標之一。
此外，塔內還設有一間可容納250人的360°旋轉餐廳，坐擁55公里的開揚景觀，將澳門、珠江三角洲，以至部分香港離島的壯麗景色盡收眼底。
如果您是喜愛刺激的冒險家，便絕不能錯過澳門旅遊塔的多項極限冒險活動，如「笨豬跳」、「高飛跳」、「空中漫步」及「百步登天」，體驗不一樣的挑戰與樂趣。
門票優惠與預訂攻略
想玩得最抵？出發前一定要做好功課！網上預訂門票或套票往往比現場購買平好多，而且可以慳返排隊時間。Klook同KKday等旅遊平台經常會推出限時折扣，絕對係慳錢嘅不二之選。
現場購票 vs 網上預訂價錢比較
- 現場購票：成人門票為澳門幣 MOP$208。
- 網上預訂：經旅遊平台預訂，觀光塔門票價錢可低至 HK$90 – HK$140，視乎優惠而定，平近一半！強烈建議提早預訂。
各樓層功能分佈指南 (1/F, 4/F, 58/F, 60/F, 61/F)
想精準搵到目的地？即刻記低以下樓層分佈：
- T1/F (一樓)：售票處、紀念品專區。
- 4/F (四樓)：Café on 4，適合嘆杯嘢、食件cake。
- 58/F (五十八樓)：室內觀光主層，設有透明玻璃地板。
- 60/F (六十樓)：360°旋轉餐廳、180°空中酒吧。
- 61/F (六十一樓)：室外觀光廊，亦係所有冒險活動嘅集合處 (笨豬跳、高飛跳、空中漫步、百步登天)。
澳門旅遊塔有咩玩？活動設施總覽
澳門旅遊塔好玩嘅活動多到你唔信，絕對唔只係上塔睇風景咁簡單！無論動靜，總有一款啱你：
- 高空觀景：包括58樓室內觀光層及61樓室外觀光廊，360度飽覽澳門、珠江三角洲甚至香港部分離島景色。
- 極限挑戰：膽大者必試嘅「笨豬跳」、「高飛跳」、「空中漫步」及「百步登天」，全部都係世界級嘅刺激體驗。
- 高空餐飲：包括會旋轉嘅「360°旋轉餐廳」、較私密嘅「180°空中酒吧」，以及休閒輕食嘅「Café on 4」。
- 購物休閒：地面層設有紀念品專區，可以買返獨家手信。
澳門旅遊塔｜1. 澳門旅遊塔 – 觀景台
在澳門旅遊塔觀景台高達233米的位置，您可以將澳門的壯麗景色盡收眼底。
站在透明的強化玻璃地板上，感覺猶如懸浮空中，可360度全方位飽覽景色，天氣晴朗時甚至可以遠眺香港的景致。
（圖片來源：Klook）
58樓室內觀光層 (透明玻璃地板)
呢層係主要嘅觀光區，擁有全落地玻璃窗，畀你一個最清晰、最無遮擋嘅環迴景致。你可以喺度慢慢欣賞澳門半島嘅懷舊老街、金碧輝煌嘅酒店群，以及連接氹仔嘅幾條跨海大橋。最大亮點莫過於嗰一小段透明玻璃地板，企上去就好似懸浮喺223米高空，畏高嘅朋友可能會腳仔軟，但絕對係打卡必影位！
61樓室外觀光廊 (冒險活動觀賞區)
想感受高空嘅勁風？買咗觀光層門票就可以上埋嚟61樓嘅室外平台。呢度雖然有鐵絲網圍住，但視野同樣開闊。更重要嘅係，呢度係近距離觀賞其他人玩笨豬跳、空中漫步嘅最佳位置！你可以喺度親身感受挑戰者跳出去前嘅緊張氣氛，為佢哋打氣，齋睇都覺得刺激！
（圖片來源：Klook）
澳門旅遊塔 – 觀景台｜詳情
- 地點：澳門觀光塔前地 觀光廊58層及戶外冒險活動觀景台61層
- 營業時間：星期一至五 10:00-19:00，星期六、日及公眾假期 10:00-20:00
- 如何前往：
- 乘搭巴士：9A, 18, 23, 32, 26, 5, 5A, 5AX, 18B
- 乘搭免費穿梭巴士，往返美獅美高梅、澳門美高梅、澳門上葡京綜合度假村、回力海立方及葡京酒店
- 澳門旅遊塔觀景門票：按此預訂即享優惠
延伸閱讀：澳門自由行攻略｜行程規劃、美食打卡及必玩景點全指南
澳門旅遊塔｜2. 澳門旅遊塔 – 百步登天
「百步登天」可說是澳門旅遊塔最刺激的活動之一！
這個活動是全澳門唯一可以徒手攀登高塔的機會。
參加者會由塔頂徒手攀上100米高的垂直階梯，直達338米的塔尖。完成挑戰後，還可獲發證書及AJ Hackett國際會員卡。
全程更有專業攝影師為您記錄這個充滿成就感的挑戰！
（圖片來源：Klook）
如果你嘅目標係征服頂峰，「百步登天」就係終極挑戰。參加者將會徒手攀爬100米嘅垂直樓梯，由61樓觀光層一直上到338米嘅塔頂！呢個係全澳門唯一可以徒手攀上塔巔嘅活動。完成後除咗有滿滿嘅成功感，仲可以獲得證書同紀念品，絕對係體力同膽量嘅大考驗！
（圖片來源：Klook）
小編溫馨提示：百步登天全程需時約2-3小時，非常消耗體力，記得活動前要食飽啲嘢補充能量！
澳門旅遊塔 – 百步登天｜詳情
- 地點：澳門旅遊塔室外觀光廊第61層
- 開放時間：11:00 (上午場) / 15:00 (下午場)
- 如何前往：
- (1) 乘搭巴士：9A、18、21、23、32或26號巴士前往
- (2) 乘搭來回澳門新濠影滙、港澳碼頭、新濠鋒、澳門市中心、氹仔市中心、美獅美高梅的穿梭巴士
- 澳門旅遊塔入場門票+百步登天：按此預訂即享優惠
延伸閱讀：
- 【澳門酒店優惠推介】11間澳門CP值極高嘅平價酒店＋獨家訂房秘技大公開
- 【持續更新】澳門自助晚餐推介超人氣TOP 17 連優惠及預訂詳情
- 澳門自助午餐推介：全澳 TOP 10 連獨家折扣攻略
- 澳門酒店排名｜全港最受歡迎澳門住宿推介與優惠指南
澳門旅遊塔｜3. 澳門旅遊塔 – 空中漫步
想溫和地挑戰自己？「空中漫步」就最適合不過。你將會喺233米高、只有1.8米闊嘅戶外鋼架上繞塔一圈，全程冇任何扶手！教練會帶領你做出一啲「半天吊」等刺激姿勢影相，非常適合三五知己或一家大細一齊玩，齊齊分享哩個離心體驗。
在233米高的觀景台進行高空漫步，在特定時段更可欣賞到長約15至20分鐘的壮觀煙花表演。
您將在1.8米寬的露天鋼架上漫步，全程沒有扶手。如果您膽識過人，更可嘗試跟隨教練的指示，在安全繩索的保護下，將上半身探出平台外。
（圖片來源：Klook）
（圖片來源：Klook）
澳門旅遊塔 – 空中漫步｜詳情
- 地點：澳門旅遊塔室外觀光廊第61層
- 開放時間：星期一至星期五 11:00-19:00，星期六至星期日 10:30-19:30
- 如何前往：
- (1) 乘搭巴士：9A、18、21、23、32或26號巴士前往
- (2) 乘搭來回澳門新濠影滙、港澳碼頭、新濠鋒、澳門市中心、氹仔市中心、美獅美高梅的穿梭巴士
- 澳門旅遊塔空中漫步套票：按此預訂即享優惠
澳門旅遊塔｜4. 澳門旅遊塔 – 高飛跳
想體驗一趟令人畢生難忘的震撼經歷？高飛跳絕對是您的不二之選！
從233米高的平台上縱身一躍，在20秒的自由落體時間，睜開雙眼，感受疾風撲面，並俯瞰澳門的迷人景致。
這項活動更榮獲「全球最高商業減速飛降」的健力士世界紀錄，最適合想挑戰膽量的您。
（圖片來源：Klook）
高飛跳作為一項極限冒險活動，比新西蘭Sky Tower的高飛跳還要高出41米之多，絕對值得挑戰！
（圖片來源：Klook）
好多人會將「高飛跳」同「笨豬跳」混淆。最大分別在於，笨豬跳係自由落體，而高飛跳就似拍戲吊威也，用鋼纜以固定速度將你由高空帶返地面。雖然冇笨豬跳嗰種瞬間離心力，但你將會以穩定速度「飛」足20秒，全程可以張開雙眼，好好欣賞澳門景色。佢同樣係一項世界紀錄：「全球最高商業減速飛降」，適合想體驗高空飛翔但又驚太刺激嘅朋友。
澳門旅遊塔 – 高飛跳｜詳情
- 地點：澳門旅遊塔室外觀光廊第61層
- 開放時間：星期一至星期五 11:00-19:00，星期六至星期日 10:30-19:30
- 如何前往：
- (1) 乘搭巴士：9A、18、21、23、32或26號巴士前往
- (2) 乘搭來回澳門新濠影滙、港澳碼頭、新濠鋒、澳門市中心、氹仔市中心、美獅美高梅的穿梭巴士
- 澳門旅遊塔高飛跳套票：按此預訂即享優惠
澳門旅遊塔｜5. 澳門旅遊塔 – 笨豬跳
如果以上的活動仍未能滿足您，那就絕不能錯過「全球最高笨豬跳」——澳門旅遊塔笨豬跳！
從233米高的平台一躍而下，以時速120公里自由落體，感受無可比擬的終極快感。
活動全程配備鋼纜穩定設備，確保您能安全著陸，絕對是一趟極致刺激的體驗！
（圖片來源：Klook）
澳門旅遊塔嘅「笨豬跳」正正係「全球最高商業笨豬跳」！你將由233米高嘅平台一躍而下，以時速高達120公里嘅速度自由落體，感受4-5秒嘅極速快感，然後再反彈幾次，刺激度爆燈！想完成人生bucket list嘅朋友，絕對唔可以錯過！
（圖片來源：Klook）
澳門旅遊塔 – 笨豬跳｜詳情
- 地點：澳門旅遊塔室外觀光廊第61層
- 開放時間：星期一至星期五 11:00-19:00，星期六至星期日 10:30-19:30
- 如何前往：
- (1) 乘搭巴士：9A、18、21、23、32或26號巴士前往
- (2) 乘搭來回澳門新濠影滙、港澳碼頭、新濠鋒、澳門市中心、氹仔市中心、美獅美高梅的穿梭巴士
- 澳門旅遊塔笨豬跳套票：按此預訂即享優惠
澳門旅遊塔｜6. 澳門旅遊塔 – 360°旋轉餐廳
在觀景台欣賞完景色，或玩完各種刺激活動後，就最適合品嚐美食，補充體力。
在233米高的360°旋轉餐廳，您可一邊享用自助餐或精緻下午茶，一邊欣賞澳門的迷人景致。
餐廳環境優美，視野極佳，每個角度的景色都賞心悅目，讓您的味蕾與視覺一同享受盛宴。
（圖片來源：Klook）
無論是自助午餐、自助晚餐，還是精緻下午茶，都可在360°旋轉餐廳內享用！
在不同時段到訪，餐廳窗外的景色都各具美態，在特別節日前往更添氣氛！
（圖片來源：Klook）
澳門旅遊塔 – 360°旋轉餐廳｜詳情
- 地址：澳門旅遊塔會展娛樂中心60樓
- 營業時間：星期一至日 11:00-22:00
- 優惠及預訂：按此預訂即享優惠
澳門旅遊塔｜7. 澳門旅遊塔 – 180酒廊
如果您想尋找一個更私密的空間，180酒廊提供貴賓暢飲套票，讓您無限暢飲汽水、果汁、咖啡、茶及指定餐酒，並附送葡式小食盒，最適合與三五知己細味悠閒時光。
（圖片來源：Klook）
（圖片來源：Klook）
澳門旅遊塔 – 180酒廊｜詳情
- 地址：澳門旅遊塔會展娛樂中心59樓
- 營業時間：星期一至日 11:00-22:00
- 優惠及預訂：按此預訂即享優惠
澳門旅遊塔｜8. 澳門旅遊塔 – Café on 4
Café on 4 最適合讓您稍作歇息，其優惠套票已包括「雙人下午茶套餐及澳門旅遊塔入場門券」，提供各式飲品及輕食，讓您在享受高空美景的同時，好好放鬆一下。
（圖片來源：Klook）
澳門旅遊塔 – Café on 4｜詳情
- 地址：澳門旅遊塔會展娛樂中心4樓
- 營業時間：星期一至日 11:00-18:00
- 優惠及預訂：按此預訂即享優惠
除了旅遊塔，澳門還有很多景點值得您一遊！立即按此了解更多！
前往澳門旅遊塔交通指南
澳門旅遊塔位於澳門半島南灣新填海區，交通非常便利，無論你係搭巴士定係酒店免費車，都可以輕鬆到達。
免費穿梭巴士 (發財車) 路線
想慳返交通費？搭酒店嘅免費「發財車」就最方便。以下酒店均提供往返澳門旅遊塔嘅免費接駁巴士，上車前可先向酒店職員查詢班次時間：
- 美獅美高梅 (MGM Cotai)
- 澳門美高梅 (MGM Macau)
- 澳門上葡京綜合度假村
- 葡京酒店
- 回力海立方
- 新濠影滙
公共巴士路線
澳門嘅巴士網絡亦相當發達，多條路線都可直達旅遊塔。你可以使用手機地圖App（如高德地圖）導航，乘坐以下巴士路線至「M177 澳門旅遊塔」站下車：
- 9A, 18, 18B, 23, 26, 32, 60, 65
的士或其他交通方式
如果同行人數較多或者想以最直接快捷嘅方式到達，乘搭的士係一個好選擇。由關閘或氹仔碼頭出發，車程大約15-20分鐘，視乎交通情況而定。
常見問題及實用資訊
為咗令你嘅行程更順暢，以下整理咗一啲常見問題同實用資訊，出發前記得睇一睇！
營業時間 (觀光層/活動/餐廳)
唔同設施嘅開放時間都有唔同，記錯時間就摸門釘㗎啦！
- 觀光層 (58 & 61樓)：
星期一至五: 10:00 – 19:00
星期六、日及公眾假期: 10:00 – 20:00 - 空中漫步、高飛跳、笨豬跳：
星期一至五: 11:00 – 19:00
星期六、日: 10:30 – 19:30 - 百步登天：每日 11:00 (上午場) / 15:00 (下午場)
- 360°旋轉餐廳：星期一至日: 11:00 – 22:00
- 180°空中酒吧：星期一至日: 11:00 – 22:00
- Café on 4：星期一至日: 11:00 – 18:00
惡劣天氣下的特別安排
出發前記得留意天氣預告！如果遇上大霧日子，能見度會大打折扣，影響高空觀景體驗。如果天氣惡劣，例如懸掛雷暴警告或颱風信號，所有戶外冒險活動都可能會暫停。建議在不穩定天氣下，出發前先瀏覽官方網站或致電查詢最新安排。
行程規劃建議 (最佳時間分配)
- 悠閒觀光派：建議預留2-3小時。可以喺黃昏前到達，先到58樓同61樓觀景台影相打卡，再到360°旋轉餐廳享用自助晚餐，欣賞日落到夜景嘅變化。
- 極限挑戰派：單單一項「百步登天」就需要2-3小時。如果想玩笨豬跳等活動，連同報名、著裝備同等候時間，建議預留至少半日時間喺旅遊塔。
香港往來澳門交通
1. 港澳金光飛航
港澳金光飛航由上環港澳碼頭出發，只需55分鐘船程即可抵達澳門氹仔。
金光飛航嘅船艙設計現代化，設有可調校角度嘅豪華真皮座椅，船艙亦提供免費WiFi，讓乘客全程享受寬敞舒適嘅乘搭體驗。
抵達澳門氹仔碼頭後，可以乘搭免費穿梭巴士前往金沙酒店、百利宮、威尼斯人酒店等，亦可選擇轉乘公共巴士前往澳門各區。
港澳金光飛航船票｜乘搭詳情（按此預訂可享優惠）
- 地點：港澳碼頭，上環干諾道中200號信德中心3樓（地圖）
- 船期：實際船期請參考官方網頁。
- 船票價錢：HK$160起
2. TurboJet 噴射飛航
噴射飛航係首間提供24小時全天候來往港澳渡輪服務嘅船公司，擁有超過五十年嘅豐富船務經驗。
船上提供各款食品、飲品及免稅商品，乘客可於船程中隨時選購。
噴射飛航提供多條航線，方便快捷，由香港出發前往氹仔或外港碼頭只需約60分鐘。
TurboJet 噴射飛航 ｜乘搭詳情（按此預訂可享優惠）
- 地點：港澳碼頭，上環干諾道中200號信德中心3樓（地圖）
- 船期：實際船期請參考官方網頁。
- 船票價錢：HK$160起
延伸閱讀：最新澳門船飛買一送一優惠｜超值實用訂票指南及交通資訊
Macau Cat 獨家訂酒店/旅遊活動秘技大公開
原來好多人都唔知…. 每個月其實銀行同支付工具喺平台上都會不定期做好多 payment 嘅優惠！大家訂酒店/旅遊活動之前，記得一定要望下！
- Klook：按此（或下面個button），進入網站後可以快速睇睇佢呢個 page，個度通常有齊最新信用卡同電子支付優惠
2. Trip.com：按此（或下面個button），進入網站後可以快速睇睇佢d banner，個度通常有齊最新優惠
3. HopeGoo：按此（或下面個button），進入網站後可以快速睇睇佢d banner，個度通常有齊最新優惠
電子門票兌換流程及須知
網上預訂嘅流程非常簡單方便，根據過往用戶評價，可以參考以下步驟：
- 無需列印：預訂成功後，你會收到一個QR Code電子憑證。
- 直接入場：到達旅遊塔後，只需喺閘口嘅機器上掃描手機上嘅QR Code，就可以直接通過，完全唔使排隊換實體飛。
- 特別票種：如果你購買嘅係兒童或長者票，可能需要到票務處出示證明文件以換領門票。
各項活動與餐飲套票價格一覽
以下為各項活動及餐飲嘅參考價格 (單人，未含服務費)，實際價錢請以預訂網站為準：
- 觀光塔入場票：約 HK$90 – $140
- 笨豬跳 (Bungy Jump)：約 MOP$3,088
- 高飛跳 (Skyjump)：約 MOP$2,188
- 空中漫步 (Skywalk)：約 MOP$788
- 百步登天 (Tower Climb)：約 MOP$2,688
- 360°旋轉餐廳 (自助午餐)：約 MOP$348
- 360°旋轉餐廳 (自助晚餐)：約 MOP$568
延伸閱讀：
