「澳門TeamLab超自然空間」由全球知名藝術團隊打造、一個結合科技同藝術嘅大型互動體驗空間，全場佔地廣達5000平方米，喺呢度你可以徹底沉浸喺光影同感官嘅互動之中，就好似走入咗一個奇幻異世界咁。
小編親身體驗過後，都覺得非常值得一去！除咗超級適合打卡之外，互動元素仲要勁多，真係會玩到唔捨得走！
最特別嘅係，場內並無地圖指示，每個展區都要靠你自己去發掘，神秘感十足。
而且每個展區都各有特色，你可以喺度慢慢探索同埋影靚相。
今日就等小編為大家介紹澳門TeamLab嘅8大必睇亮點，仲附上門票優惠同地址詳情。想知多啲關於澳門TeamLab，就要繼續睇埋落去啦！
睇到最後，編輯會為你分享比較少人知嘅獨家訂酒店/旅遊活動秘技分享，通常可以為你節省 $50-$200 左右！
文章目錄
- 澳門TeamLab超自然空間｜詳情
- 澳門TeamLab 8大必睇亮點
- 香港往澳門交通
澳門TeamLab超自然空間
編輯建議透過以上2個平台預訂！如果有興趣要睇到最後，編輯會為你分享比較少人知嘅獨家訂酒店/旅遊活動秘技分享，通常可以為你節省 $50-$200 左右！
詳情：
- 地址：氹仔望德聖母灣大馬路，澳門威尼斯人金光會展F廳（地圖）
- 營業時間：星期一、二、四至日11:00-19:00
- 門票價錢：HK$180起
（註：價錢及營業時間或有變動，最新資訊請以官方網頁為準。）
澳門TeamLab 8大必睇亮點
1. 澳門teamlab -「花與人的窪谷」
「花與人的窪谷：迷失、沉浸與重生」係一個展現四季變換嘅藝術作品，花朵生長嘅位置會隨住真實季節而改變。
觀眾可以親眼見證花朵由誕生、成長、盛開到凋謝、枯萎嘅完整生命週期。
當觀眾靜止唔郁，身邊嘅花朵會開得更燦爛；相反，如果觀眾觸摸或踩到花朵，花瓣就會即時凋謝散落。
2. 澳門teamlab -「漂浮的花園」
「漂浮的花園」吊起咗超過8,000朵盛開嘅蘭花，就好似走入咗一個優美典雅嘅秘密花園，打卡一流！
即使空間佈滿花朵，但因為花兒會隨住觀眾嘅移動而升降漂浮，加上鏡面反射效果，反而創造出一個極具層次感嘅空間。
每當觀眾行近蘭花簾幕，花朵就會緩緩升起，為你開闢出一條道路。
當你進入空間之後，蘭花又會慢慢下降返原位。
當你同其他人喺空間中相遇時，你哋各自嘅空間會互相連接，形成一個全新嘅空間。
延伸閱讀：
- 【澳門酒店優惠推介】11間澳門CP值極高嘅平價酒店＋獨家訂房秘技大公開
- 澳門氹仔酒店優惠推介｜12間人氣必住酒店＋獨家折扣情報
- 澳門半島酒店推介（連優惠減高達 $200+）
- 額外減高達 $200！澳門親子家庭式酒店優惠推介＋設施詳解
3. 澳門teamlab -「無相之雲」
呢個作品會不停咁製造出大量泡泡，令人好似置身於雲層之中，係一個融合咗生命同能量嘅奇妙雕塑。
喺「無相之雲」嘅作品空間入面，一個個巨大嘅白色泡泡會靜靜咁漂浮喺半空中。
呢啲泡泡被破壞之後仲可以自我修復，就好似生命一樣有自癒能力。
不過，當破壞程度超過佢嘅修復範圍，泡泡就會慢慢崩潰，就好似生命無法承受無止境嘅傷害一樣。
溫馨提示，「無相之雲」展區有機會整濕身，如果唔想濕身，可以免費借用主辦方提供嘅雨衣。
4. 澳門teamlab -「無窮無盡的水晶宇宙」
「無窮無盡的水晶宇宙」係一個由無數光點累積而成嘅立體光影雕塑群。
觀眾可以透過智能手機選擇唔同嘅星星並投入其中，你所選擇嘅星星將會成為創造立體光影嘅元素之一，同大家一齊共同創造出整個作品空間。
喺呢個空間入面，星星之間會互相影響，交織出璀璨光芒，同時亦會因為觀眾嘅存在而影響整個作品。
你可以沉浸喺呢個宇宙之中，感受光嘅能量，以及星星嘅聚合與變化。
睇到呢度已經覺得好吸引，想即刻出發？按此預訂澳門TeamLab超自然空間門票，即享獨家優惠！
延伸閱讀：
5. 澳門teamlab -「自由飄浮」
當你進入呢個作品之後，你會發現身邊有無數個自由漂浮嘅波波。
你可以撥開呢啲波波並走入其中，同佢哋進行互動。
波波嘅顏色會不斷變換，而整個空間就會喺立體同平面之間不停轉換，令你感受到獨特嘅視覺體驗。
每當你觸碰或拍打呢啲波波，佢哋就會改變顏色，並發出獨特嘅音調。
顏色同音調會好似連鎖反應咁，向周圍嘅波波不斷傳開。
6. 澳門teamlab -「光之雕刻」
當你進入呢個空間時，你會感受到光線獨特嘅呈現方式。
光線會以唔同角度同方向投射喺平面上，而光線嘅交錯同集合就會形成立體雕塑，將你嘅身體完全包圍，沉浸其中。
呢啲立體雕塑透過光線變化同投射角度嘅巧妙操控，呈現出多樣嘅形狀同結構。
雕塑嘅形態會不斷改變，有時抽象，有時幾何，有時又好似有機生命體，完全根據光線嘅分佈同集合而變化。
7. 澳門teamlab -「運動森林」
「運動森林」係一個全新嘅創意運動空間，以「用身體領略世界，用立體思維理解世界」為理念。
你可透過強大嘅身體官能，完全沉浸喺呢個互動世界之中，呢個展區亦都好受小朋友歡迎㗎！
其中一個作品「紅色名錄」，你可以喺畫紙上為生物油上顏色，再交俾工作人員掃描入電腦。
你所創作嘅生物就會加入呢個空間。呢啲生物之間會互相捕食吞噬，共同形成一個獨有嘅生態系統。
你所繪畫嘅生物如果成功吞食其他生物，就會繁殖增多；相反，如果無法吞食其他生物，就會死亡消失。
8. 澳門teamlab -「EN TEA HOUSE」
玩到有啲攰，就可以去澳門teamLab限定嘅EN TEA HOUSE飲啖茶，休息一下。
當店員將茶注入茶碗後，你會見到茶碗中出現花朵同植物嘅光影投射。
花卉嘅形態會隨住茶碗中嘅茶水份量同面積大小而不斷變化。
茶飲方面，可選擇冷萃柚子綠茶、冷萃玉綠茶、玉綠茶，以及德國洋甘菊焙茶鮮奶等。
澳門TeamLab仲有好多展區等緊你去探索，快啲喺今次澳門之旅同伴侶、家人、朋友一齊製造美好回憶啦！
另外，澳門除咗TeamLab超自然空間，仲有好多景點值得你去玩！即刻按此了解更多！
香港往來澳門交通
1. 港澳金光飛航
港澳金光飛航由上環港澳碼頭出發，只需55分鐘船程即可抵達澳門氹仔。
金光飛航嘅船艙設計現代化，設有可調校角度嘅豪華真皮座椅，船艙亦提供免費WiFi，讓乘客全程享受寬敞舒適嘅乘搭體驗。
抵達澳門氹仔碼頭後，可以乘搭免費穿梭巴士前往金沙酒店、百利宮、威尼斯人酒店等，亦可選擇轉乘公共巴士前往澳門各區。
港澳金光飛航船票｜乘搭詳情（按此預訂可享優惠）
按此預訂可享優惠
- 地點：港澳碼頭，上環干諾道中200號信德中心3樓（地圖）
- 船期：實際船期請參考官方網頁。
- 船票價錢：HK$160起
2. TurboJet 噴射飛航
噴射飛航係首間提供24小時全天候來往港澳渡輪服務嘅船公司，擁有超過五十年嘅豐富船務經驗。
船上提供各款食品、飲品及免稅商品，乘客可於船程中隨時選購。
噴射飛航提供多條航線，方便快捷，由香港出發前往氹仔或外港碼頭只需約60分鐘。
TurboJet 噴射飛航 ｜乘搭詳情（按此預訂可享優惠）
按此預訂可享優惠
- 地點：港澳碼頭，上環干諾道中200號信德中心3樓（地圖）
- 船期：實際船期請參考官方網頁。
- 船票價錢：HK$160起
延伸閱讀：
3. 永東巴士跨境快線
如果唔想搭船，亦可以考慮乘搭永東巴士嘅跨境快線，輕鬆往返香港市區同澳門多間酒店。
永東巴士喺港九新界設有多個上落客點，非常方便。
香港出發地/目的地包括：觀塘APM、鑽石山荷里活廣場、油麻地碧街、葵芳新都會廣場；澳門落車點包括：澳門皇冠假日酒店、澳門威尼斯人酒店、澳門巴黎人酒店。
而且永東巴士車廂乾淨企理，座位寬敞，約2.5小時嘅車程都可以坐得舒舒服服。
永東直通巴士跨境快線｜乘搭詳情（按此預訂可享優惠）
按此預訂可享優惠
- 上落客點：
- 香港：觀塘APM / 鑽石山荷里活廣場 / 油麻地碧街 / 葵芳新都會廣場
- 澳門：澳門皇冠假日酒店 / 澳門威尼斯人酒店 / 澳門巴黎人酒店
- 出發時間：實際班次時間請參考官方網頁。
- 車票價錢：HK$160起
4. 港珠澳大橋穿梭巴士（金巴）
除咗永東巴士，你亦可以選擇乘搭俗稱「金巴」嘅港珠澳大橋穿梭巴士。
金巴提供24小時全天候服務，繁忙時間最快5分鐘一班，凌晨時段則約15至30分鐘一班。
車程大約40分鐘，抵達澳門口岸後，可再轉乘其他交通工具前往市區。
港珠澳大橋穿梭巴士｜乘搭詳情
Macau Cat 獨家訂酒店秘技大公開
原來好多人都唔知…. 每個月其實銀行同支付工具喺平台上都會不定期做好多 payment 嘅優惠！大家訂酒店之前，記得一定要望下！
- Klook：按此（或下面個button），進入網站後可以快速睇睇佢呢個 page，個度通常有齊最新信用卡同電子支付優惠
2. Trip.com：按此（或下面個button），進入網站後可以快速睇睇佢d banner，個度通常有齊最新優惠
3. HopeGoo：按此（或下面個button），進入網站後可以快速睇睇佢d banner，個度通常有齊最新優惠
延伸閱讀：
